Эрүүл мэндийн байгууллагыг магадлан итгэмжлэх шинжээчдийн баг Шарга, Тонхил, Тайшир сумдын эрүүл мэндийн төв, Энх-Алтай, Марал-Алтай өрхийн эрүүл мэндийн төвүүдэдэд ажиллалаа. Энэ үеэр Магадлан итгэмжлэлийн үнэлгээг ЭМС-ын 2020 оны А/179 дугаар тушаалаар батлагдсан шалгуур үзүүлэлтийн дагуу үнэлж, ажлын байранд нь мэргэжил арга зүйн зөвлөгөө өглөө.

Эрүүл мэндийн хөгжлийн төвөөс 2022-2023 оны хичээлийн жилд төрийн сангийн санхүүжилтээр сургах нэмэлт элсэлт, захиалга, бүртгэлийн талаар цахим хурлыг 2022 оны 11 дүгээр сарын 21 өдөр зохион байгууллаа. Нэмэлт захиалгын бүртгэл 2022 оны 11 дүгээр сарын 22-25-ны өдөр хүртэл зохион байгуулагдахаар тов гарлаа. Иймд Нэгдсэн эмнэлгээс нэмэлт захиалгад орсон эмнэлгийн мэргэжилтнүүд дээр хугацаанд HRDS системээр бүртгүүлнэ үү.

Ажлын байрны нэр: Нягтлан бодогч Тавигдах шаардлага: • Нягтлан бодогч мэргэжилийн бакалаврын дипломтой байх • Багаар ажиллах чадвартай • Компьютерийн хэрэглээний програмууд дээр ажиллах чадвартай • Спорт, урлаг зохион байгуулах ур чадвартай байх, цаг баримтлах, цагийн ашиглалт сайтай ачаалал даах чадвартай байх. Тавигдах тусгай шаардлага: • Төрийн албан хаагчийн болон эмнэлгийн мэргэжилтний ёс зүйн хэм хэмжээ, байгууллагын дотоод журмыг сахин ажиллах Бүрдүүлэх материал: • Төрийн албан хаагчийн анкет маягт №01 • Дипломын хуулбар • Мэргэшсэн бол үнэмлэх • Ажилд орохыг хүссэн өргөдөл Хаяг: Бигэр сумын эрүүл мэндийн төв Холбогдох ажилтан: Эрүүл мэндийн төвийн дарга И.Сайнжаргал / 95272027/ Материал хүлээн авах хугацаа: 2022.11-21-2022.11.28 –ны 09 цаг хүртэл

Малын мах, шувуу, гахай, загасны мах, дотор мах, өндөг энэ бүлэгт ордог. Мах нь уургаар баялаг гол бүтээгдэхүүн бөгөөд хүний биед үүсдэггүй үл орлогдох биологийн төгс амин хүчил (уураг), хэрэгцээт гемийн төмрийн 25-50%, фосфор, натри, кали зэрэг нэн шаардлагатай эрдэс бодисууд болон А, Е, Д, К аминдэмийг агуулдаг.

ХЭЛЭЛЦҮҮЛЭГ ЗОХИОН БАЙГУУЛЛАА “БЗДХ, ХДХВ/ДОХ -ын тусламж үйлчилгээний урьдчилан сэргийлэлт, тулгамдсан асуудал, шийдвэрлэх арга зам” сэдэвт хэлэлцүүлэг зохион байгууллаа. Хэлэлцүүлэгт аймгийн Цагдаагийн газар, Онцгой байдлын газар, Шүүхийн шийдвэр гүйцэтгэлийн газар, Авто тээврийн газар, Боловсрол шинжлэх ухааны газрын удирдлагын төлөөлөл, мэргэжилтнүүд, Иргэний нийгмийн байгууллагын төлөөлөл, Эрүүл мэндийн газрын удирдлага, мэргэжилтнүүд нийт 20 гаруй хүн оролцлоо. Хэлэлцүүлгээр аймгийн хэмжээний БЗДХ-ын өнөөгийн байдал, нэгдсэн эмнэлгийн БЗДХ-ын кабинетийн үйл ажиллагааг танилцуулж БЗДХ-аас урьдчилан сэргийлэх, илрүүлэхэд тулгамдаж буй асуудал, цаашид хэрхэн хамтарч ажиллах талаар хэлэлцлээ.

Өнөөдөр буюу 11-р сарын 17-нд дэлхийн дутуу төрсөн нярайн өдөр тохиож байна. Энэ өдөр ЭМЯ дээр JCI Монгол ТББ-аас хэрэгжүүлдэг дутуу төрсөн нярайн эндэгдлийг бууруулах зорилготой “Save Angels” төслийн хүрээнд дутуу төрсөн нярайд үзүүлэх тусламж үйлчилгээнд нэн шаардлагатай 400 орчим сая төгрөгийн үнэ бүхий эмнэлгийн тоног төхөөрөмжүүдийг Говь-Алтай болон Хөвсгөл аймгийн нэгдсэн эмнэлгүүдэд гардуулах ёслол боллоо. Тус ёслолд ЭМЯ-ны төрийн нарийн бичгийн дарга Ц.Эрдэмбилэг, JCI Монгол байгууллагын 2022 оны үндэсний ерөнхийлөгч Ж.Дамдинцэрэн, салбар байгууллагын гишүүд мөн Говь-Алтай болон Хөвсгөл аймгийн нэгдсэн эмнэлгийн төлөөллүүд оролцлоо. Энэ жил 30 жилийн ой нь тохиож байгаа JCI Монгол байгууллага нь эерэг өөрчлөлт бүтээх хөгжлийн боломжийг залууст олгох эрхэм зорилготой нийгэмд хандсан олон төрлийн төсөл хөтөлбөрүүдийг тогтмол хэрэгжүүлдэг залуусын сайн дурын оролцоо дээр суурилсан төрийн бус байгууллага юм. зураг зураг JCI Монгол байгууллага нь Save Angels төслийг 2015 оноос хойш жил бүр тогтмол хэрэгжүүлж байгаа бөгөөд өнгөрсөн 8 жилийн хугацаанд Эх Хүүхдийн Эрүүл Мэндийн Үндэсний Төв, Амгалан амаржих, Өргөө амаржих, Архангай, Завхан аймгийн нэгдсэн эмнэлэг зэрэг газруудад дутуу төрсөн нярайд нэн шаардлагатай 1.2 тэрбум төгрөгийн үнэ бүхий тоног төхөөрөмжийг тусламжаар хандивлаж, эх дэлхийдээ ирэх гэж яаран дутуу төрсөн нийт 2000 орчим нярайн амь насыг авраад байна. JCI Монгол байгууллага энэ жилээс төслийн цар хүрээг улам өргөтгөж Hello baby аппликэйшнтэй хамтран дутуу төрөлт, төрөхийн хүндрэл, нярайн эндэгдэл зэрэг эх нярайн эрүүл мэндийн аливаа эрсдэлийг бууруулах, урьдчилан сэргийлэх зорилгоор, эхчүүдийн жирэмсний үеийн эрүүл мэнд, нярайн асаргаа, нярайн эрүүл мэндийн талаар технологид суурилсан боловсрол, мэдлэг, олгох эрүүл мэндийн мастеркласс бүхий контент бэлтгэн hello baby аппликэйшнээр дамжуулан жирэмсэн эхчүүдэд хүргэх чиглэлээр “Save Angels-Digital Health” төслийг санаачлан хэрэгжүүлээд байна. Эх дэлхийдээ ирэх гэж яарсан бяцхан сахиусан тэнгэрүүдийг аврахын төлөө өгөөмөр сэтгэлээр хандив өргөсөн Save Angels төслийн нийт хандивлагчдадаа чин сэтгэлээсээ талархал илэрхийлье.