Хүний эрхийн Үндэсний Комиссоос Монгол Улс дахь хүний эрх, эрх чөлөөний байдлын талаарх 21 дэх илтгэлийг Улсын Их Хурлын чуулганы нэгдсэн хуралдаанаар хэлэлцэж шийдвэр гаргуулахаар өгсөн саналын 28-д "Эмч, эрүүл мэндийн ажилтнуудын хүний эрхийн мэдлэг, ойлголтыг дээшлүүлэх цогц арга хэмжээ авах" гэж тусгасан. Үүний дагуу Хүний эрхийн Үндэсний Комисс Дэлхийн Эрүүл Мэндийн байгууллагатай хамтран эрүүл мэндийн ажилтнуудын хүний эрхийн боловсролыг дээшлүүлж, эрүүл мэндийн байгууллагын баримталж буй бодлого, хөтөлбөр, хэрэгжүүлж буй үйл ажиллагааны бодитой, хүртээмжтэй, нийцтэй, чанартай байдлыг хангахад дэмжлэг үзүүлж, хүний эрхэд суурилсан хандлагыг төлөвшүүлэх болон Монгол Улсын Үндсэн хууль, олон улсын гэрээгээр баталгаажсан иргэдийн эрүүл мэндээ хамгаалуулах, эмнэлгийн тусламж үйлчилгээ авах эрх, эрүүл мэндийн ажилтнуудын эрхээ шаардах чадавхыг бэхжүүлэхэд чиглэсэн хүний эрхийн сургалт, сурталчилгаа, нөлөөллийн үйл ажиллагааг аймаг, нийслэлийн хэмжээнд зохион байгуулан ажиллаж байна. Хүний эрхийн Үндэсний Комиссоос 2022 оны 09 дүгээр сарын 15-аас 09 дүгээр сарын 16-ны өдрүүдэд Говь-Алтай аймгийн төрийн болон хувийн хэвшлийн эрүүл мэндийн 95 байгууллагын 150 гаруй эрүүл мэндийн ажилтнуудад тус сургалтыг зохион байгуулж байна.
.jpeg)
