Түр хүлээнэ үү
Эрүүл мэндийн сайдын 2022 оны А/139 дүгээр тушаалаар “Хүн амын нас, хүйс, эрүүл мэндийн эрсдэлд суурилсан зонхилон тохиолдох халдварт болон халдварт бус өвчнөөс урьдчилан сэргийлэх, эрт илрүүлэх, үзлэг, шинжилгээ, оношлогоог зохион байгуулах журам” батлаг
Эрүүл мэндийн сайдын 2022 оны А/139 дүгээр тушаалаар “Хүн амын нас, хүйс, эрүүл мэндийн эрсдэлд суурилсан зонхилон тохиолдох халдварт болон халдварт бус өвчнөөс урьдчилан сэргийлэх, эрт илрүүлэх, үзлэг, шинжилгээ, оношлогоог зохион байгуулах журам” батлагдсан. Уг журмын дагуу заасан чиг үүргийг хангах зорилгоор 5 дугаар сарын 24-ний өдөр аймаг, нийслэлийн Нийгмийн эрүүл мэндийн хэлтсийн дарга, мэргэжилтнүүдийг оролцуулсан “Эрт илрүүлгийн мэдээлэл, сурталчилгааг эрчимжүүлэх нь” сэдэвт мэргэжил арга зүйн дэмжлэг үзүүлэх сургалт зохион байгууллаа. Сургалтыг Нийгмийн эрүүл мэндийн үндэсний төвийн Ерөнхий захирлын албан үүргийг хавсран гүйцэтгэгч, Орчны эрүүл мэндийн албаны дарга, АУ-ны доктор, дэд профессор Б.Сувд нээж сургалтад амжилт хүсэв. Тус төвийн ЭМДӨУСА-ны дарга С.Гэрэлмаа сургалтыг чиглүүлэн зохион байгууллаа. Архангай, Баянхонгор, Завхан, Дорноговь, Өвөрхангай, Говь-Алтай, Булган аймгийн НЭМ-ийн орлогч дарга нар өөрийн орон нутгийн хүн амын эрт илрүүлгийн хамрагдалт, мэдээлэл сурталчилгааны үйл ажиллагаа, тулгамдаж буй асуудлын талаар илтгэл тавьж, сайн туршлага, санал солилцов. Эрт илрүүлгийн хамрагдалтыг нэмэгдүүлэх, үр дүнтэй явуулахын тулд тулгамдаж буй асуудлуудыг түвшин бүрд анхаарч, бодит арга хэмжээ авах, шаардлагатай үед асуудлыг нэгтгэн дараагийн шатлалд танилцуулж шийдвэрлүүлэхээр ажиллаж байна.
- 2022-05-26
- Шинэ мэдээ, Эрүүл мэндийн ажилтны сургалт
- 1652 уншсан
- 1 минут уншина