Түр хүлээнэ үү
Боловсролын сургалтын байгууллагад эрүүл ахуйн чиглэлээр хийсэн шалгалтын мэдээ
Боловсрол, Соёл, Шинжлэх ухааны яам, Эрүүл мэндийн яам, Барилга, Хот Байгуулалтын Яам, Хөдөлмөр, Нийгмийн Хамгааллын Яам, Эрчим Хүчний Яамны Салбарын хяналтын ерөнхий байцаагчийн баталсан 2023 оны 03-00/03 дугаар “Боловсролын сургалтын байгууллагад төлөвлөгөөт хяналт шалгалт хийх удирдамж”-ийн дагуу Говь-Алтай аймийн Эрүүл мэндийн газрын Хяналт шалгалтын хэлтсээс боловсрол, сургалтын 11 байгууллагад төлөвлөгөөт шалгалт хийж холбогдох хяналтын хуудсаар үнэлэхэд 2 байгууллага дунд эрсдэлтэй, 9 байгууллага бага эрсдэлтэй үнэлэгдсэн ба эрсдэл үүсэх магадлал дунджаар 21.8%, хууль сахин мөрдөлт дунджаар 77.2%-тай байна. Төлөвлөгөөт шалгалтад хамрагдсан 11 байгууллагын 8 байгууллагад өмнөх шалгалтаар илэрсэн зөрчлийг арилгуулахаар өгсөн албан шаардлагын биелэлтэд гүйцэтгэлийн шалгалт хийхэд хууль сахин мөрдөлт дунджаар 5%-аар өсч, эрсдэл үүсэх магадлал дунджаар 6.7%-аар буурсан үр дүнтэй байна.
- 2023-10-10
- Шинэ мэдээ, Зарлал, тендер
- 103 уншсан
- 1 минут уншина