Гепатитын В, С, Д вирусийн халдварын урьдчилан сэргийлэлт, тандалт, хяналтын тогтолцоог бэхжүүлэх, тусламж үйлчигээг сайжруулах, халдварын тархалтыг таслан зогсоох, улмаар элэгний архаг үрэвсэл, хатуурал, хорт хавдраар өвчлөгсдийн тоог бууруулах зорилгоор Улаанбаатар хотноо "Гепатит вирусийн халдварын тандалт урьдчилан сэргийлэлт ирүүлэг оношилгоо эмчилгээ хяналт"  сургалт зохион байгуулагдаж байна. ЭМЯ, ХӨСҮТ-ийн хамтран зохион байгуулж байгаа сургалт 2 өдөр үргэлжлэх бөгөөд Эрүүл мэндийн газар, Нэгдсэн эмнэлгийн холбогдох мэргэжилтнүүд оролцож байна

Сувилагч мэргэжилтний чадварыг дээшлүүлэх, сувилахуйн тусламж үйлчилгээний чанар, аюулгүй байдлыг сайжруулах зорилгоор БНСУ-ын "Soonchunhyang University Hospital" эмнэлэгт 4-р ээлжийн 11 аймгийн 22 эх баригч, сувилагчаас бүрдсэн баг суралцаж байна. Тэд өнөөдөр СүнЧонХян Их сургуулийн Бүчон эмнэлэг болон Шихва эмнэлгийн сувилахуйн албатай танилцаж туршлага судаллаа. Энэхүү сургалтад Бугат, Төгрөг сум, "Энх-Алтай" өрхийн эрүүл мэндийн төвийн сувилагч нар хамрагдаж байгаа бөгөөд 12 дугаар сарын 4-нөөс 8-ны өдөр хүртэл 5 хоногийн хугацаанд үргэлжлэх юм.

УИХ-ын хянан шалгах түр хорооны хянагч шинжээч Г.Чойжамц нь 2023 оны 12 дугаар сарын 5-ны өдөр Эрүүл мэндийн газрын сургалтын танхимд "Эмийн чанар үнэ" сэдвээр ярилцлага, сургалтыг зохион байгуулж 20 эм зүйч, эм найруулагч хамрагдлаа.

Эрүүл мэндийн яамнаас "Галзуу өвчний өвчлөлийн өнөөгийн байдал, авч хэрэгжүүлж буй арга хэмжээ, цаашид анхаарах асуудлууд" сэдвээр цахим хурал зохион байгууллаа. Цахим хуралд ЭМЯ-ны Нийтийн эрүүл мэндийн газрын дарга, мэргэжилтнүүд, ЗӨСҮТ-ийн удирдлага, эмч мэргэжилтнүүд болон 21 аймгийн Эрүүл мэндийн газрын удирдлагууд, ЗӨСТ-ийн эмч мэргэжилтэн 56 хүн оролцлоо. Тус хурал Говь-Алтай аймагт бүртгэгдсэн галзуу өвчний тохиолдолд авч хэрэгжүүлсэн арга хэмжээний талаар ЗӨСТ-ийн тархвар судлаач эмч Д. Мөнхзул мэдээлэл хийлээ. Галзуу өвчин нь вирусээр үүсгэгддэг, төв мэдрэлийн тогтолцоог сонгомлоор гэмтээдэг мал, амьтнаас хүнд халдварладаг зоонозын хурц халдварт өвчин. Уг халдвараас 100% урьдчилан сэргийлэх боломжтой тул иргэд зэрлэг болон тэжээвэр мал , амьтанд хазуулсан тохиолдолд яаралтай эмнэлэгт хандан галзуугийн эсрэг вакцинд хамрагдах шаардлагатай юм.

МЭРГЭЖЛИЙН ҮЙЛ АЖИЛЛАГАА ЭРХЛЭХ ЗӨВШӨӨРЛИЙН ШАЛГАЛТЫН БҮРТГЭЛ 2023.11.08-13-НИЙ ӨДӨР ХҮРТЭЛ ЯВАГДАЖ, 2023 ОНЫ 11 ДҮГЭЭР САРЫН 15-НЫ ӨДРИЙН 10:00 ЦАГТ ЦАХИМААР ЗОХИОН БАЙГУУЛАГДАНА.

Томуу, томуу төст өвчний нөхцөл байдал, дархлаажуулалтын явц болон эрүүл мэндийн салбарт тулгарч болох хүндрэл, бэрхшээлийн талаар хэлэлцэж, цаашдын бэлэн байдлыг бүрдүүлэх, тандалтын тогтвортой байдлыг хангах зорилготой томуугийн харуулдан тандалтын нэгжүүдийн 10 дах удаагийн уулзалт, зөвлөгөөн Улаанбаатар хотноо зохион байгуулагдаж байна.   Хоёр өдөр үргэлжлэх тус зөвлөгөөнд ЭМГ-ын НЭМХ-ийн дарга Д.Сугар, тархвар судлаач.  О. Удвалцэцэг, Нэгдсэн эмнэлгийн эмчилгээ эрхэлсэн дэд захирал Л.Отгончимэг, лабораторийн эмч Г. Эрхэмцэцэг нар оролцож байна. Зөвлөгөөнд лабораторийн эмч.    Г. Эрхэмцэцэг " 2022/2023 оны томуугийн улиралд Говь -Алтай аймгийн вирус судлалын тандалтын үйл ажиллагааны онцлог" сэдвээр илтгэл танилцууллаа.

Эрүүл мэндийн яам, Эрүүл мэндийн хөгжлийн төвөөс БНХАУ-ын ӨМӨЗО-ны Хөх хотын “Олон Улсын Монгол эмнэлэг”-тэй хамтран зохион байгуулж буй сургалтад Нэгдсэн эмнэлгийн сувилагч Ц.Долгорсүрэн 2023 оны 9 дүгээр сарын 21-29-ний өдөр хүртэл хугацаанд хамрагдлаа. Тэрээр “Нэг сургалт 2 үр дүн” арга хэмжээний хүрээнд тэргүүн туршлагыг орон нутагт нэвтрүүлэхээр Нэгдсэн эмнэлгийн 20 сувилагчид танилцууллаа.

Эрүүл мэндийн хөгжлийн төвийн Хүний нөөцийн хөгжлийн албатай хамтран Эрүүл мэндийн сайдын 2023 оны А/295 дугаар тушаалаар “Эмнэлгийн мэргэжилтний үйл ажиллагаа эрхлэх зөвшөөрлийн шалгалт зохион байгуулах, багц цаг тооцох, зөвшөөрлийн гэрчилгээ олгох, нөхөн олгох журам”-ыг танилцуулах цахим сургалтыг 2023 оны 10 дугаар сарын 25-ны өдөр зохион байгуулж төрийн болон хувийн хэвшлийн эрүүл мэндийн байгууллагын 137 эмнэлгийн мэргэжилтэн хамрагдлаа.

Төрийн болон орон нутгийн өмчийн хөрөнгөөр бараа, ажил, үйличлгээ худалдан авах тухай хууль

ТӨРИЙН АЛБАН ХААГЧИЙН ЁС ЗҮЙН ТУХАЙ ХУУЛЬ https://legalinfo.mn/mn/detail?lawId=16759635984401...

Эрүүл мэндийн газрын сургалтын өрөөнд 2023 оны 10 дугаар сарын 16-ны өдрийн 09:30 цагаас 10:30 цаг хүртэл Монгол Улсын “Төрийн албан хаагчийн ёс зүйн тухай хууль” түүний хууль хэрэглээ, Монгол Улсын Засгийн газрын 2023 оны 8 дугаар сарын 23-ны өдрийн 301 дүгээр тогтоолоор шинэчлэн баталсан “Төрийн жинхэнэ албан хаагчийн гүйцэтгэлийн төлөвлөгөөг боловсруулж батлах, ажлын гүйцэтгэл, үр дүн, мэргэшлийн түвшинг үнэлэх журам” сэдвээр дотоод сургалтыг Удирдлага төлөвлөлт санхүүгийн хэлтсийн Хүний нөөцийн асуудал хариуцсан мэргэжилтэн О.Мягмарбодь зохион байгуулж нийт 15 албан хаагч хамрагдлаа.

Халдварт бус өвчнөөс сэргийлэх, хянах нэн шаардлагатай тусламж үйлчилгээний багц (PEN/HEARTS)-ыг эрүүл мэндийн анхан шатны тусламж үйлчилгээнд нэвтрүүлж, хэрэгжүүлэх “МонПЭН санаачилга” төслийн нээлтийн үйл ажиллагаа болон сургалтыг Говь-Алтай аймагт 2023 оны 10 дугаар сарын 16-19-ний өдрүүдэд зохион байгуулж байна.Хэрэгжиж эхэлж буй “МонПЭН санаачилга” төсөл нь эрсдэлт хүчин зүйлсийн менежментийг бэхжүүлэх үр дүнтэй цогц арга хэмжээ бөгөөд гол зорилго нь эрсдэлтэй хүмүүст үзүүлэх тусламж үйлчилгээг өндөр чанартай, тэгш хүртээмжтэй хүргэж, чихрийн шижин, зүрх судасны өвчин, түүний хүндрэл, нас баралтаас урьдчилан сэргийлэх юм. ЭМЯ, НЭМҮТ, ДЭМБ-ын хамтран хэрэгжүүлж буй “МонПЭН санаачилга” , ХБӨ/Зүрх судасны өвчнөөс урьдчилан сэргийлэх, хянах, нэн шаардлагатай тусламж үйлчилгээний багцыг нэвтрүүлэх төслийг хэрэгжүүлж эхэлж буйтай холбогдуулан  НЭМҮТ-ийн  ЭМДМА-ны дарга С.Гэрэлмаа ахлагчтай хөтөлбөр хэрэгжүүлэх баг  Аймгийн ЗДТГ-ын  НБХ-ийн дарга С. Мөнхжаргал,  ЭМГ-ын дарга Г.Лхагважаргал, НЭМХ-ийн дарга Д.Сугар АНЭ-ийн дэд захирал Л. Отгончимэг болон сум, өрхийн ЭМТ-ийн дарга нарын төлөөлөлтэй нөлөөллийн уулзалт зохион байгууллаа. Тус уулзалтаар "Монпен санаачилга”-ыг нэвтрүүлэхэд хамтран ажиллах талаар санал солилцлоо.

Монгол Улсын Засгийн газар болон Люксембургийн Их Гүнт Улсын Засгийн газар хоорондын гэрээгээр “Монгол Улс дахь зүрх судлал, зүрх мэс засал ба телемедицин МОН/007” төсөл Улсын гуравдугаар төв эмнэлгийн Зүрх судасны үндэсний төв дээр төвлөрсөн хэрэгжиж байгаа бөгөөд Улсын гуравдугаар төв эмнэлгийн эмч нар 2023 оны 10 дугаар сарын 12-14-ны өдөр хүртэл аймгийн Нэгдсэн эмнэлэг, өрх, сумын Эрүүл мэндийн төвийн эмч нарыг чадавхжуулах ажлын байрны сургалтыг зохион байгуулж 25 эмч нар хамрагдаж байна.

ЭМС-ын 2023 оны А295 тоот тушаал гарсантай холбогдуулан зөвшөөрлийн гэрчилгээ, лиценз сунгалттай холбоотой зарим нэг өөрчлөлт оруулсан байгаа. Тухайлбал үйл ажиллагаа эрхлэх зөвшөөрлийн шалгалтад тэнцсэн тохиолдолд цээж зураг авахаа больсон, гэрчилгээ үнэт цаасаар гарахаа больсон байгаа шүү. тэмдэгтийн хураамжаа төлөөд баримтыг PDF-ээр хавсаргаад ажлын 5 хоногт хүсэлтээ илгээхэд болно.

ХӨСҮТ-өөс Улаанбаатар хотод зохион байгуулж буй Томуугийн харуулдан тандалтын нэгжийн эмч, мэргэжилтнүүдийг чадавхжуулах сургалтад ЭМГ, нэгдсэн эмнэлгийн холбогдох мэргэжилтнүүд оролцож байна. Тус сургалтад оролцогсод ЭМС-ын 2022 оны 373 дугаар тушаалын дагуу томуугийн тандалт хийх програмын шинэчлэлт, хөгжүүлэлтэд суралцлаа.